26. april gjekk Fordjupingsmeisterskapen av stabelen for femte gongen. Sju flinke elevar frå fem vidaregåande skular hadde kvalifisert seg til finalen. Vinnar blei Telma Eckhoff Dagestad frå Stavanger katedralskole, medan Jørgen Hestnes frå same skulen stakk av med Garborgprisen.
På bildet over ser me fordjupingsmeister Telma Eckhoff Dagestad og vinnaren av Garborgprisen, Jørgen Hestnes, flankert av avdelingsdirektør Inger Undheim og leiar for juryen, Stian Ravndal. Juryen skildra vinnarforedraget til Dagestad slik: «Frisk og original tilnærming til klassiske tekstar. Ei fagleg svært solid framstilling blir presentert forståeleg, elegant og levande.» Foredraget bar namnet Menneskenes hjerter og det ubevisste sjeleliv.
Dei andre deltakarane, som alle viste imponerenade kunnskapar og framstillingsevner, var Tormod Hegland Øvstebø og Karoline Bjerkreim frå Sandnes vgs, Henriette Klepp frå Sola vgs, Neesiga Kunasekarakm frå Dalane vgs og Odd Arne Fosse frå Tryggheim vgs. Juryen var også imponert over spennvidden i arbeidet som var gjort.
Finalistane: bak frå venstre: Jørgen Hestnes, Stavanger katedralskole, Tormod Hegland Øvstebø, Sandnes vgs, Karoline Bjerkreim, Sandnes vgs, Odd arne Fosse, Tryggheim vgs. Framme f.v.: Neesiga Kunasekarakm, Dalane vgs, Telma Eckhoff Dagestad, Stavanger katedralskole og Henriette Klepp, Sola vgs.
Henriette Klepp frå Sola vgs hadde oppgåva «Poesi som terapi».
Tormod Hegland Øvstebø med oppgåva «Døden i barnelitteraturen».
Karoline Bjerkreim frå Sandnes vgs med oppgåva «Samanlikning av Bondestudentar og Tante Ulrikkes vei». Det passa jo godt med eit russebilde av Arne Garborg då.
Telma Eckhoff Dagestad frå Stavanger katedralskole vann med oppgåva «Menneskenes hjerter og det ubevisste sjeleliv».
Odd arne Fosse frå Tryggheim vgs med oppgåva «Nietzsche døydde han òg».
Neesiga Kunasekarakm frå Dalane vgs med oppgåva «Engelsk i norsk».
Jørgen Hestnes frå Stavnger katedralskole vann Garborgprisen med oppgåva «En androgyn antihelt».
Avdelingsdirektør Inger Undheim var konferansier.
Ein jury med solide kvalifikasjonar. Frå venstre: Stian Ravndal, Njål Spanne, Jan Kristian Hognestad og Margrethe Sønneland.
