Me held gjerne foredrag om Arne og Hulda Garborg hos oss, men kan òg koma på besøk til dykk. Kvart foredrag varer mellom 30 – 45 minutt og me tilbyr følgjande tema:
Arne Garborg: livet hans, bøkene hans, avisene og tankane hans.
Hulda Garborg: livet hennar, bøkene og teateret, folkeopplysing, bunad og dans.
Saman forma dei Noreg: Om ekteparet Garborg, livet deira saman og kvar for seg. Litteratur, kultur, filosofi og politikk. Jæren og Hedmarken, Noreg og Europa.
Det store teaterslaget i Kristiania: under opninga av Det norske teatret i 1913 utvikla protestane mot nynorsk seg til masseslagsmål og gateopprør, og styreformann Hulda Garborg måtte flykta midt under forestillinga.
For meir informasjon eller bestilling, ring 47 77 60 20 eller send epost til garborg@jaermuseet.no.