Sjølvsagt hadde det å gjera med at Bryne slo Viking ut av cupen. Øks og sverd beit ikkje på traktorar. Og mykje av æra for det skal den nye målmannen ha: Anders Kristiansen.
Den gamle målmannen er Arne Garborg, sjølvsagt. Time har tradisjon for å få fram gode målmenn. Før var det landsmål som gjaldt, nå er det fotball. Garborgsenteret likar begge delar, og fekk lov til å ta bilete av den nye og den gamle tida: den gamle og den nye målmannen.
Avdelingsleiaren vart så engasjert at ho kledde opp den eine av museet sine Garborg-bystar…
… og vil la lua vera på så lenge Bryne heng med i cupen.
Pimp din Garborg!
Takk for besøket, Anders. Og takk for at du tek opp hansken og vidarefører gode målmannstradisjonar. Og til stavangerfolket, som ikkje finn brynemålet, har den gamle målmannen noko å seia (på dansknorsk, slik at dei forstår): «La oss arbeide hver med sitt, bymann!»
(Frå Kolde stråler, 1899)
Og nokre månader seinare hamna den gamle målmannen på Henie-Onstad!
Skrive av Ørjan Johansen