Kulturministeren opna Garborgsenteret

Nesten tre hundre menneske hadde møtt opp til opningsseremonien til Garborgsenteret i dag. Gode støttespelarar og mange skodelystne fekk høyra talar frå Time-ordførar Reinert Kverneland, Jærmuseets direktør Målfrid Snørteland, Garborgsenterets Inger Undheim og kulturminister Anniken Huitfeldt. Poet Helge Torvund kunne på vegne av ein jury gratulera to vinnarar av Dagbladets diktkonkurranse, Oddbjørn Birkeland og Simen Kjærsdalen, som begge fekk lesa sine vinnardikt. I tillegg framførte Torfinn Nag og Ingrid Rusten ein dialog mellom Arne og Hulda Garborg, og Trette Menn spelte ein rockeversjon av «Haugtussa»-diktet «Veslemøy synsk».