I 1681 blei femten år gamle Anna Voigt tiltalt for å ha drepe sitt nyfødte barn. Hadde ho? Eller var barnet dødfødd? Den unge kvinna frå Sachsen hevda ho var uskuldig og hadde såleis tortur og kanskje dødsstraff i vente.
Deretter dukka det opp ein modig lækjar med ei eksperimentell medisinsk prøve. Ein uredd og temperamentsfull advokat ved namnet Christian Thomasius viste seg òg. Nå fanst det folk som var innstilt på å kjempea for Anna, og det var klart for en oppskakande kamp mellom ortodokse og fornuftsdrøymande krefter.
«Lungeflyteprøven» er Tore Renbergs første historiske roman. Det er ei oppsiktsvekkande forteljing, basert på verkelege hendingar, aldri tidlegare fortalt.
Romanen fortel den forbløffande forteljinga om Anna Voigt, om eit samfunn som straffar sine døtrer og søner hardt, om tortur og avrettingar, om den medisinske lungeflyteprøva som blei starten på moderne rettsmedisin, om hemn, forfengelegheit og ortodoksi, om gammal tid mot ny tid. Ut frå eit unikt historisk materiale, som Tore Renberg har studert i fem og eit halvt år, trer et mylder av skikkelsar fram, skildra med stor innsikt og innleving.
Når Tore er på besøk, blir det alltid opplesing frå boka, og ein får høve til å kjøpa romanen og få ei helsing i han.
Møt forfattar Tore Renberg i samtale med Sven Egil Omdal!
Kjøp billettar her
Boka er tilgjengeleg fra 25. august ved Forlaget Oktober.
Foto: Petter Sandell.