Hulda 160 år – Samtalemøte om bunadbruk

22. februar 18.00
Storsalen
Gratis

Program:
18.00: Velkommen v/Inger Undheim og Synnøve Jørgensen
18.05: Hulda Garborg og bunadene. Innleiing ved bunadsekspert Målfrid Grimstvedt
18.45: Deltakarane fyller ut spørjeskjema og samtalar om bunadbruk. Med kaffi/te og noko attåt
20:00: Oppsummering i Storsalen – kva har gruppene snakka om?
Seinast 21.00: Program slutt

Om samtalekvelden: Kva meiner du om å bruka bunad? Kvifor har du bunad??
Rogaland Ungdomslag og Garborgsenteret inviterer til temakveld om bunadbruk på Hulda Garborgs 160-årsdag tysdag 22. februar kl. 18-21.

Fem organisasjonar arbeider for å nominera bunadbruken til UNESCO si verdsarvsliste for immateriell kultur. Dei ønskjer å få vita korleis bunaden vert brukt, og kva forhold folk i Noreg har til bunad?

Rogaland Ungdomslag og Garborgsenteret vil gjerne ha flest moglege stemmer frå Jæren med i dette kartleggingsarbeidet. Unge og vaksne, han, ho og hen! Velkommen alle som ein! Tankane dine er viktige når det skal skrivast nominasjonssøknad til UNESCO.

Målfrid Grimstvedt innleier temakvelden med å fortelja om Hulda Garborg og bunadene. Korleis lever Hulda sin bunad-ide i dag? Etter innleiinga er det tid for uformelle bunadssamtalar kring bordet. Deltakarane set seg ved ulike bord i lokala, og alle får utdelt eit skjema med enkle spørsmål som ein skal svara på og diskutera med dei andre. Det vert servert kaffi/te og litt å bita i under samtaledelen av møtet. Til slutt samlast me i foredragssalen til ei felles oppsummering av kva ein har snakka om kring borda.

Ingen førebuing eller forkunnskapar vert kravd for å delta på denne kvelden. Ein er heller ikkje nøydd til å ta ein aktiv rolle i samtalane kring bordet, det er lov å berre lytta også.

Les meir om nominasjonsarbeidet på https://www.bunadbruk.no

Påmelding: https://www.enjoy.ly/no/samtalemote-om-bunad–271715
Ta kontakt med Garborgsenteret (tlf. 47 77 60 20 #4) viss du treng hjelp med påmeldinga.

Velkommen til ein gild og sosial bunadskveld på Garborgsenteret!