Erik Lukashaugen – Hans Børli i nye tonar m.m.

Sommarkveldar på Knudaheio
17. juni 18.00
Knudaheio
260
Erik Lukashaugen er mest kjend for dei kritikarroste tonesettingane av tømmerhoggardiktaren Hans Børli, men òg for sine eigne levande og jordnære tekstar. Han gav ut debutalbum i 2013 og har sidan turnert jamleg, med over 100 konsertar årleg. Elverumsingen vart nominert til Spellemannsprisen 2018 i klassen for viser og han har tidlegare motteke mellom anna Vidar Sandbecks kulturpris «Regnbågåbrua».
Arrangementet varer 1 time. Som følgje av smittevernreglane, har vi førebels 40 publikumsplassar. Vi bed dei som vil sitje under konserten om å ta med eigen stol. Vi gjer òg merksam på at det ikkje finst noko toalett å nytte på Knudaheio, og at konserten kjem til å verte spelt under open himmel.
Erik Lukashaugen: song, gitar
Tarjei Nysted; fiolin, nøkkelharpe, mandolin m.m.
Bjørge Verbaan: keyboard, trøorgel, trekkspel
Konserten vert arrangert i lag med Nasjonalt Garborgsenter.
Smiegarden på Undheim held ope og serverer forfriskingar fram til 23:00. Ta kontakt med Smiegarden, kultur- og gjestehus om du ønskjer å bestille bord.