Verket er inndelt i fem bind (dei kan kjøpast som samling eller som einskildbind):
Ord av Arne Garborg
Ord av Hulda Garborg
Ord om kjærleik
Ord som svir
Ord som veks
Utgivar er Jærmuseet.
Bøkene kom til etter initiativ av Vilhelm Skjærpe, mannen som står bak utstillinga på Garborgsenteret (gjennom firmaet Mediafarm), som opna i 2012. Han gjekk nøye gjennom Arne og Hulda sin litteratur under arbeidet med utstillinga, samla sitat som kunne brukast, og endte opp med stort overskotsmateriale. Han har, saman med Garborgsenterets Inger Undheim og Gunhild Hammeraas, stått for utvalet. Språket er modernisert av Undheim, Hammeraas og Sigbjørn Reime (som tidlegare har modernisert Arne Garborg sine jærbøker). Bilde og layout har Skjærpe stått for.
Så vidt me veit er dette første gongen sitat av Hulda Garborg vert publisert i ei samling, og at dette er den mest omfattande samlinga sitat av Arne Garborg.
Boka vart lansert torsdag 3. desember.
