Organisasjonen

Stiftinga Jærmuseet

er det regionale vitensenteret for Rogaland og Agder og regionmuseum for Jæren, stifta i 1985 av kommunane Randaberg, Sola, Sandnes, Gjesdal, Klepp, Time og Hå.
Jærmuseet sitt hovudkontor ligg på Vitengarden, Nærbø i Hå kommune.

 Museumregion Jæren
Museumsregion Jæren er den folkerikaste museumsregionen i Rogaland med nærare 160.000 innbyggarar, og omfattar kommunane Randaberg, Sola, Sandnes, Gjesdal, Klepp, Time og Hå.
Rogaland er delt i fem museumregionar med kvar sitt regionmuseum:
Nord-Rogaland/Haugalandmusea
Ryfylke/Ryfylkemuseet
Stavanger/ Museum Stavanger MUST
Jæren/Jærmuseet
Dalane/Dalane Folkemuseum
 
Avdelingar:

Jærmuseet består i dag av fire avdelingar: Vitengarden på Nærbø, Vitenfabrikken i Sandnes, Tungenes fyr, Randaberg og Nasjonalt Garborgsenter, Bryne. I tillegg kjem fire bygdemuseum som er organisert under eitt. Jærmuseet har og eit "vitensenter på hjul", Science Circus, som reiser rundt til grunnskulane i Rogaland og Agder-fylka.
 
Vitengarden er fellesnemninga for museumsbygningane og utstillingane på Kvia, Kvia 4H- og museumsgard, Audamotland og museumsområdet.
 
Vitenfabrikken er namnet på museumskvartalet i Sandnes. Thranegården og fleire mindre antikvariske anlegg i Sandnes er også del av avdelinga Vitenfabrikken.
 
Tungenes fyr: Kystverket sitt etatsmuseum - Kystverkmusea - blei formelt opna i september 2008. Dette museet består av dei fire institusjonane Tungenes fyr, Lindesnes fyrmuseum, Dalsfjord fyrmuseum og Lofofmuseet som til saman skal bidra til dokumentasjon, bevaring, forsking og formidling innanfor heile Kystverket sitt virkefelt. Dei fire musea i Kystverkmusea delar Norge mellom seg, både geografisk og fagleg. For Tungenes fyr sin del inneber det eit musealt ansvarsområde som dekker Kystverket sitt 2. distrikt (Rogaland, Hordaland og Sogn og Fjordane) og fokus på følgjande fagområde innanfor Kystverket: trafikksentraltenesta og los.
 
Nasjonalt Garborgsenter
Våren 2008 overtok Jærmuseet driftsansvaret for Nasjonalt Garborgsenter.
 
Jærmuseet har driftsansvaret for bygningar og samlingar til Hå bygdemuseum med Grødaland og Varden Sjøredningsmuseum, Gjesdal bygdemuseum med m.a. gardsanlegget Limagarden, Klepp bygdemuseum med Haugabakka og samlingane til Randaberg bygdemuseum med Vistnestunet.
Sidan 1997 har Jærmuseet hatt eit museumsfagleg ansvar for Flyhistorisk Museum Sola.
Frå 2006 får også Hå gamle prestegard statstilskot via Jærmuseet.
 
Regionalt vitensenter for Sørvestlandet
Utdannings- og forskingsdepartementet (nå Kunnskapsdepartementet / KD) oppretta i 2003 seks regionale vitensentra som skal ha ansvaret for å formidla vitensentertilbod til sine regionar.
Jærmuseet er tildelt ansvaret for Sørvestlandet, dvs. Rogaland og Agder-fylka.
Det regionale vitensenteret omfattar avdelingane Vitengarden, Nærbø, Vitenfabrikken, Sandnes og det omreisande realfagsprogrammet Science Circus.
Dei andre regionale vitensentraene er:
Norsk Teknisk Museum, Oslo
Vitensenteret Innlandet, Gjøvik
VilVite (Bergen Vitensenter), Bergen
Vitensenteret (Midtnorsk Vitensenter), Trondheim
Nordnorsk Vitensenter, Tromsø
Frå 2007 har også Vitenlaben i Grenland blitt innlemma mellom dei regionale vitensentraene, og frå 2010 Science Center Østfold.
Her finn du lenk til Nettverket av norske vitensenter
 
FINANSIERING OG TILSKOT
Jærmuseet har i 2009 eit samla driftsbudsjett på om lag 41 mill. kroner
Faste offentlege tilskot til drift var 26 mill. kroner. I tillegg kom tilskot til prosjekt med 12 mill. kroner.
I 2009 utførte museet omlag 52 årsverk.
 
PUBLIKUMSBESØK
I 2009 hadde Jærmuseet til saman vel 177.000 gjester, inkludert ca 40.500 besøkande på Hå gamle prestegard.