Museumsbygget

Første byggetrinn sto ferdig i 1995 og består av ein hovudbygning med administrasjon, bibliotek, kafé, magasin og noko utstillingsareal, samt auditorium og verkstad. På nivå med underetasjen er tilkomst til magasin, verkstad og eit vognhus frå ein gardsplass på nordsida.

Andre byggetrinn stod ferdig i 2002 og inneheld ein stor utstillingshall i første etasje og magasin og studiemagasin i underetasjen. Utstillingshallen knyter direkte til hovudbygget i begge etasjar. Areala er store og samanhengande. Anlegget utgjer vel 4000m², av dette omlag 1200m² utstillingsareal, og om lag 500 m² åpe studiemagasin.

Det er brukt mykje stein i fasadane. Veggane samspelar med steingardar og støttemurer, og bygningen er trekt ned i terrenget og inn i landskapet. Jærmuseet bygger vidare på den lokale byggeskikken mot. innvendig og utvendig materialbruk. Tradisjonane er vidareutvikla i konstruksjonar og detaljar med dei muligheitene ny teknologi gir.

Bygget er bygd i betong, naturstein, tre, stål og glas. Søylene er dreidde, i laminert tre, og står i eit modulnett på 7,2 x 7,2 m. Samanføyingar og festedetaljar er i ubehandla stål. Bæresystemet for øvrig er i tre (skurlast), og all trelast er skåre med bandsag.
Kledning utvendig er i osp med varierande breidder i panelet. Taket er utvendig kledd med kreosotimpregnert furu. Store deler av ytterveggane er forblenda med naturstein. Magasinet i underetasjen har veggar i betong og betongsteinsblokker.

Arkitektar: siv.ark. Einar Myklebust, Thomas Helliesen, Lars Hallgren.

Einar Myklebust: "Vegen fram til museumsbygg", Sjå Jæren 1995

Artikkel frå The Architectural Review august 1996