Organisasjonen

er det regionale vitensenteret for Rogaland og Agder og regionmuseum for Jæren, stifta i 1985 av kommunane Randaberg, Sola, Sandnes, Gjesdal, Klepp, Time og Hå.

Jærmuseet sitt hovudkontor ligg på Vitengarden, Nærbø i Hå kommune.

Vedtekter

Museumregion Jæren

Museumsregion Jæren er den folkerikaste museumsregionen i Rogaland med nærare 150.000 innbyggarar, og omfattar kommunane Randaberg, Sola, Sandnes, Gjesdal, Klepp, Time og Hå.

Rogaland er delt i fem museumregionar med kvar sitt regionmuseum:

Nord-Rogaland/Haugalandmusea

Ryfylke/Ryfylkemuseet

Stavanger/Stavanger Museum

Jæren/Jærmuseet

Dalane/Dalane Folkemuseum

Avdelingar:

Jærmuseet består i dag av to hovudavdelingar: ”Vitengarden” på Nærbø, og ”Vitenfabrikkem” i Sandnes. ”Vitengarden” er fellesnemninga for museumsbygningane og utstillingane på Kvia, Kvia 4H- og museumsgard og museumsområdet.

”Vitenfabrikken” er namnet på museumskvartalet i Sandnes, inkludert nybygget som opna 22. mai 2008.
Våren 2008 overtok Jærmuseet driftsansvaret for Nasjonalt Garborgsenter.

Jærmuseet har og eit "vitensenter på hjul", Science Circus, som reiser rundt til grunnskulane i Rogaland og Agder-fylka.

Jærmuseet har elles driftsansvaret for bygningar og samlingar til Hå bygdemuseum, Gjesdal bygdemuseum, Klepp bygdemuseum og samlingane til Randaberg bygdemuseum.

Sidan 1997 har Jærmuseet hatt eit museumsfagleg ansvar for Flyhistorisk Museum Sola.

Frå 2006 får også Hå gamle prestegard statstilskot via Jærmuseet.

Organisasjonskart

Regionalt vitensenter for Sørvestlandet

Utdannings- og forskingsdepartementet (nå Kunnskapsdepartementet/KD) oppretta i 2003 seks regionale vitensentra som skal ha ansvaret for å formidla vitensentertilbud til sine regionar.

Jærmuseet er tildelt ansvaret for Sørvestlandet, dvs. Rogaland og Agder-fylka.

Det regionale vitensenteret omfattar avdelingane Vitengarden, Nærbø, Vitenfabrikken, Sandnes og det omreisande realfagsprogrammet Science Circus.

Dei andre regionale vitensentraene er:

Norsk Teknisk Museum, Oslo

Vitensenteret Innlandet, Gjøvik

VilVite (Bergen Vitensenter), Bergen

Vitensenteret (Midtnorsk Vitensenter), Trondheim

Nordnorsk Vitensenter, Tromsø

Frå 2007 har også Vitenlaben i Grenland blitt innlemma mellom dei regionale vitensentraene.

Her finn du link til Nettverket av norske vitensenter

FINANSIERING OG TILSKOT

Jærmuseet har i 2008 eit samla driftsbudsjett på om lag 26 mill. kroner

Faste offentlege tilskot fordeler seg slik:

- Staten v/Kultur- og kyrkjedepartemnetet 8,8 mill.

- Jærkommunane 6 mill.

- Rogaland fylkeskommune 2,84 mill.

I tillegg har museet for 2008 fått kr. 2,9 mill. i vitensentertilskot frå Utdannings- og forskingsdepartementet/Norges Forskningsråd og 1,2 mill frå Den kulturelle skulesekken.

I 2007 utførte museet omlag 36 årsverk.

ÅRSRAPPORT 2006

PUBLIKUMSBESØK

I 2007 hadde Jærmuseet tilsaman vel 101.000 gjester, inkludert ca 39.000 besøkande på Hå gamle prestegard.

Sist retta 10.6.08 ods