Gje ei gåve til Garborgsenteret?

No er ei ny folkegåve i emning.

Nasjonalt Garborgsenter på Bryne opnar i 2012. Det skal vera ein arena til å lesa og til å skapa, og til å inspirera til samfunnsengasjement; men framleis manglar ein dei siste 2 millionar kronene til Garborgsenteret!

No går Nasjonalt Garborgsenter breidt ut og oppmodar private, store og små bedrifter til å vera med på ei kronerulling. For kvar krone som kjem inn, stiller Sparebank 1 SR-Bank opp med same beløp.

I 1921 fekk Arne Garborg svimlande 104.000 kroner - og ein fjordhest - i gåve frå det norske folket. No håper Garborgsenteret at folket igjen vert med på ei folkegåve til Garborg.

Vil du gi ei gåve til senteret, kan du setta pengar inn direkte på kontonummer 3335.07.03409. Merk gåva "Gåve Garborgsenteret + namnet ditt / evt. bedrifta di". Alle som gir ei gåve, vil få namnet sitt i senteret sin takkeprotokoll.

Skattefrådrag: Du kan få skattefrådrag for gåver til Garborgsenteret. Minimumsbeløp for å få skattetrekket er 500 kroner. Ring Jærmuseet v/Elisebeth Rugland, tlf 475 00 333 for meir informasjon.