Vinterferie med eksperimenter og redesign på Vitenfabrikken
I vinterferien kan du gjere mange eksperimentpå Vitenfabrikken. Finn ut koss lyd, vatn, luft og fargar oppfører seg, eksperimenter med strøm og elektrisitet og sett fyr på hendene dine. I det store LEGO-rommet er det tusenvis av LEGO- og DUPLO-klossar. Planetariet på Vitenfabrikken er eit høgdepunkt om du likar verdsrommet – len deg tilbake og reis ut til stjerner og planetar.
I tillegg vert det mange andre aktivitetar og show. Heile utstillinga på fire etasjar er open.
UngdomsMakerspace har eit eige gratistilbod med redesign for ungdom over 10 år tysdag-fredag.
Les meir om vinterferieprogrammet på Vitenfabrikken.
Vitenfabrikken har opent alle dagar. Måndag-fredag kl. 11-16, laurdag kl. 11-17 og sundag kl. 12-17.
Kua mi! på Vitengarden
Kom til Vitengarden i vinterferien og bli enda betre kjent med kua – og møt den nyfødte kalven på garden. Du kan bli med og separera mjølk, kinna smør og laga ost.
I tillegg er det aktivitetar både inne og ute, så her kan ein kosa seg i allslags vèr. Utstilligane er opne, og dyra på garden er som alltid klar for eit besøk og litt kos. I høyet kan du slenga deg i tauet eller bygga ei fin hytte. Sjå her for programmet i vinteferien. Opent måndag – fredag kl. 10-15, laurdagar stengt, sundagar kl. 12-17.
Detektiv på Garborgsenteret
På Garborgsenteret får du leika detektiv. Kven har stjåle treskoa til Arne Garborg? Bli med på det escape-rom inspirerte Treskomysteriet – løys kodar og oppgåver og sjå om du finn ut kven den skuldige er! Ope måndag – laurdag kl. 10 – 15.
Tungenes fyr
Tungenes fyr har ope sundagar frå kl. 12.00 – 16.00. Her kan du gå opp i fyret, ta deg ein fin tur langs sjøen og besøka kaféen der lag og organisasjonar i Randaberg sel kake, kaffi og anna godt.