Heime i påska? Då kan du få med deg alt dette!
Flyhistorisk Museum Sola
Flyhistorisk Museum Sola har opningshelg 28.-29 mars og har ope i påska! Flyhistorisk Museum Sola har fått ei betydeleg oppgradering, mellom anna med nye utstillingsskilt.
Denne sesongen har flymuseet òg fått eit nytt tilskot: ein ferdig restaurert Fairchild PT-26 Cornell. Flyet er amerikansk og blei tatt i bruk første gong på militære flyskular i 1939. De norske flygarane, som under krigen ble utdanna i Little Norway i Canada, flaug slike fly. Etter krigen blei flyet brukt ved Luftforsvarets flygeskole fram til 1956. Med dette har Flyhistorisk Museum Sola ei nær komplett samling av norske treningsfly.
Ope heile påska utanom Langfredag.
Vitenfabrikken
Noko mystisk har skjedd på Vitenfabrikken denne påska: ein av syklane i utstillinga er stolen! Spora er lagt ut, men vi treng nokon skarpe hoder og nysgjerrige familier for å finne løysninga. Kven av dei seks mistenkte er tjuven? Påskemysteriet egnar seg for familiar og for dei over 10 år.
Alle som deltar på påskemysteriet er med i trekningen av eit gavekort på 500 kroner i butikken. Og kven veit – kanskje kjem påskeharen òg!
Det er òg mogleg å lage påskeegg og påskekyllinger med nåletoving. Som vanleg blir det spennande visningar i planetariet, tøffe show og alle utstillingane er ope.
Ope heile påska utanom Langfredag.
Vitengarden
Tru mot tradisjonen startar Vitengarden påska med ein av sine mest populære aktivitetsdagar gjennom året: Eggande aktivitetsdag 29. mars.
I tillegg til alle aktivitetane du vanligvis kan oppleva på Vitengarden, kan du denne dagen bli med på maling av egg eller koke egg på bål. Du kan òg vera med å sjå når dei tilsette slaktar ein kylling. Følg med – det er gøymt over 50 påskeegg på garden som du kan gå på jakt etter!
Ope heile påska utanom Langfredag og påskeaftan.
Garborgsenteret
Garborgsenteret er ope deler av påska. Då kan du mellom anna spele treskomysteriet eller utforske utstillingane.
Sjå opningstider og les meir på Garborgsenteret.
Tungenes fyr
Tungenes fyr har ope Palmesundag og 1. påskedag og 2. påskedag. Området rundt eignar seg godt som eit turmål, med eit besøk innom fyret og ei velfortent kake i kafeen etterpå.
Kafeen er ope frå kl. 12-16 kvar opningsdag.
Velkommen til Jærmuseet i påska!