«Ei verd på spel» er eit 250 kvaratmeter stort brettspel som tek utgangspunkt i FN sine 2015-mål. Det er fyrste gong temaet om urimelegheita i verda blir presentert på ein slik interaktiv måte. Du er spelebrikka, og må gjennom ei lang rekke oppgåver som set fokus på kor vanskeleg det kan vera å leva i U-land. Kor mange spedborn klarer du redda? Kven må gå utan vatn for at sjukehuset skal få det dei treng? Får du ta utdanning? – Sjå opp for landminer på skulevegen!
Over 2000 elevar og 1300 konfirmantar har no vore gjennom «Ei verd på spel» – og me har fått svært gode tilbakemeldingar. Brettspelet stod på Vitengarden [Nærbø] sidan hausten 2010 og vart sendt vidare til Sverige sommaren 2011.. Siste speledag var sundag 15. mai.
Les kva Stavanger Aftenblad skreiv om spelet her .
Sjå Amnesty International sin film og artikkel om «Ei verd på spel».
«Ei verd på spel» er utvikla saman med vitensenteret i København, Experimentarium. I tillegg til støtte frå det danske utenriksdepartmentet og fleire danske fond, så har NORAD og SR-bank gitt økonomisk støtte i Noreg. Nordisk kulturfond har bidrege økonomisk slik at utstillinga kan vandra frå Danmark, Noreg og til Sverige. Utstillinga er òg utvikla i samarbeid med fleire store internasjonale hjelpeorganisasjonar.