Det er Friluftslivets år! Kom til Vitengarden og bli inspirert til å laga mat ute sundag 23.mars. Her får både store og små vera med å laga maten, og erfara kor enkelt det er å laga god og variert mat ute.
Det blir:
- Kyllingsuppe
- Grønsakswok
- Cowboypizza
- Epledessert
- Lapper
Kjøp ekstrabillett i resepsjonen (50 kr) og bli med å smaka på alt det gode me lagar saman på bål, grill og stormkjøkken (kl.12-16).
Utstillingane er opne som vanleg. I tillegg kan du mellom anna vera med ned i underjordisk magasin å sjå vår store traktor- og landbrukssamling, programmere musikk i LydLab, prøva deg i svinghjulet eller produsera gass i biogassutstillinga. På garden kjem du tett på både høne, gris, sau og ku, og ta gjerne en tur på løa og hopp i høyet.
I kafeen kan du kjøpa god heimelaga mat.
Velkommen til gards.