Vil du gi kollegaene dine ei oppleving som kombinerer samarbeid, meistring og ekte jærks identitet?
På Vitengarden får de teambuilding med ein unik vri – der tradisjon møter teknologi og latteren sit laust. Her handlar det om å jobbe saman, tenkje kreativt og utfordre både kløkt og samarbeidsevner.
Vi tilbyr aktivitetar som passar perfekt til haustsamlingar, juleavslutningar eller som ei sosial pustepause i ein travel arbeidskvardag. Alt er skreddarsydd for små og store grupper, med oppgåver som gir energi og fellesskap.
Velg ein aktivitet
Jærduellen – vår mest jordnære teambuilding!
Les om Jærduellen
I Jærduellen konkurrerer deltakerne i lag gjennom varierte og engasjerende oppgåver som utfordrar både kløkt, samarbeid og kreativitet. Robot, jærhus, matkultur og hestesko – alt samla i ei teambuilding – oppleving med solid forankring i jærsk identitet.
Skreddarsydd for små og store grupper
Aktivitetane er tilpassa ulike gruppestorleikar og passar perfekt til haustsamlingar, juleavslutningar eller som ei sosial pustepause i ein travel arbeidskvardag.
Pris per person for aktivitet: kr. 390 (tid 1,5 t)
Pris per person for aktivitet og servering : kr. 570 (tid 2,5t)
Varmsmiing – prøv deg som smed!
Les om varmsmiing
I smia på Audemotland får du oppleva korleis det er å jobba med jern på gamlemåten. Vår vert gir ei enkel innføring og er med heile vegen for å demonstrera og rettleia.
Passar for grupper opp til 10 personar om gongen. Er de fleire, kan resten få ei omvising på Audemotland eller ta seg ein tur i Hanabergmarka i mens.
Tips: Ta med gode sko og varm jakke – smia er ikkje oppvarma, og gåturen ned frå Vitengarden tek ca. 10 minutt.
Pris per person for aktivitet: kr. 390 (tid 1-1,5 t)
Birøktaren – besøk biene og slyng honning
Les om birøktaren
Dette er ei sesongbasert aktivitet der de får besøka biene og slynga honning frå bikubene. Alle får delt ut birøktardrakt og hanskar. Ein erfaren birøktar følgjer deltakerane og deler av kunnskapen sin. Me kan ta inntil 20 deltakarar om gongen.
Tid: 90–120 minutt
Ta kontakt for tilbud på dette opplegget.
Bygg ditt eige jærhus – lagarbeid med lokal identitet
Les om bygginga
Jærhusa er typiske for Jæren, og inne på Vitengarden kan gruppa di prøva seg som byggmeister! Med eit byggesett i 1:3 målestokk skal de, ved hjelp av teikningar og stolpar, setja saman ein kopi av det originale jærhuset – komplett med skut.
Her får de testa samarbeid, leiarteknikkar, matematikk og praktisk problemløysing. Aktiviteten er perfekt for teambuilding, og etterpå tek vi ein kort tur til garden for å sjå eit ekte jærhus.
Ta kontakt for tilbud på dette opplegget.
Pris og tid avheng av kva opplegg de ønsker og kor mange det er i gruppa.
Smaken av Jæren – matoppleving midt i matfatet
Les om matopplevinga
Vitengarden ligg midt i matfatet, og på denne turen får de verkeleg kjenna det! Me tek turen ut i Hanabergmarka, der bålet og gruva blir fyrt opp. Her kuttar de ferske råvarer frå nabogardane – tomatar, gulrøter, kålrot og meir – og lagar jærske smårettar saman.
Ei sosial og smakfull oppleving som garanterer gode minner og nye smakar!
Pris: kr. 2250 + kr. 390 per person (2-3 t)
Bestilling
Ta med gruppa til Vitengarden og opplev aktivitetar som skapar samarbeid, meistring og gode minner.
Fyll ut skjemaet nedanfor eller kontakt oss i dag, så skreddarsyr vi eit opplegg som passar perfekt for dykk!
Du kan og kontakta oss på e-post vitengarden@jaermuseet.no eller ringa oss på telefon 47 77 60 20.