Besøk av kulturminister og representantar frå kulturdepartmentet
Tysdag 16. september hadde me gleda av å få besøk frå kulturminister Thorhild Widvey og representantar frå kulturdepartmentet og Rogaland høyre.
Statsråden var her i samband med opninga av Norsk- olje og gass arkiv, og brukte ettermiddagen på å få eit nærare innblikk i utstillingane på Vitenfabrikken, Vitengarden og Garborgsenteret. Widvey fekk og presentert planane for tredje steg av det regionale vitensenteret – det maritime vitensenteret i Tungevågen. Følget fekk òg vera med ned i det nye tre- og metall magasinet på Vitengarden, kor Samlingsteam Rogaland i det siste har registrert, fotografert og digitalisert fleire tusen gjenstandar.
Ministeren viste stor begeistring for det ho fekk sjå, og avslutta dagen med å seia at ho var veldig imponert over Jærmuseet, kor flinke dei tilsette har vore til å tilpassa seg endringar – og samstundes ha fokus på framtida.
Her er eit par bilete frå besøket:
På Vitenfabrikken fekk statsråden både fanga lysbogar med 500 000 volt, og sjå kor mykje ho var verd i gull etter dagens verdi. «Dette burde Siv Jensen ha sett», uttalte ho. Me ynskjer finansministeren velkommen!
På Garborgsenteret fekk ministeren prøva «Strid», eit spel om bruk av media, språk og demokrati. Diktarhjulet engasjerte også, og statsråden viste lyriske evner med følgande strofe: «Ingen søv på angrande ord».
Siste stopp var Vitengarden. Her var det først omvising inne i teknologi- og landskaputstillinga. Etterpå var det tid for å visa den nye utstillinga om energi og miljø, «SNU». Her er ordførar i Hå, Mons Skrettingland saman med statsråden framfor sjølve symbolet for utstillinga; opp-ned-treet.
Foto: Elin Ravndal Bell og Tormod Aass, Jærmuseet