*Sjå fleire bilete nederst i artikkelen*
«Målet er at de skal bli kjent med ulike verktøy de kan bruka seinare hvis de har ein god ide, og få jobbe litt med prototyping og prosessen i å utvikle produkter» fortel Marianne Hægstad Risdal, prosjektleiar for Talentsenter i Realfag, entusiastisk medan elevar kring ho jobbar iherdig med plassering av digitale design, som straks skal trykkast på slitesterk vinyl.
Det er onsdag 18. september og årets første, av totalt tre samlingar, i skuleåret 24/25 for 8. og 9. klassingar på Talentsenter i realfag er i gong på Vitenfabrikken i Sandnes. Tema for denne samlinga, som går over to dagar, er ei rekke skaperverkstadsaktivitetar som blant anna laging av buttons, trykking på vinyl og introduksjon til laserkutting, forklarar prosjektleiar Risdal.
Nyttige verktøy i fokus
Denne samlinga har dei delt gruppa i to, og medan prosjektleiar Risdal guidar ivrige tenåringar gjennom vinyltrykk i tredje etasje, er realfagsformidlar og innhaldsansvarleg Jørn Hafver på publikumsverkstedet ein etasje under og introduserar ein spent gjeng til laserkutting.
«Me ville gje dei ein introduksjon til nyttige verktøy for å laga ting på ein skaparverkstad. Det virka som fleire av dei sette pris på å ha fått brukt eit ‘skikkeleg’ 3D-modelleringsprogram» fortel Hafver medan han peikar og forklarar på ein skjerm omringa av ein oppglødd gjeng før laserkuttaren skal i gong. Hafver poengterer at programma dei nyttar på samlingane er open tilgjengeleg slik at elevane skal kunne fortsette læringa heime om dei vil.
Viktig for samfunnet
Medan elevar pakker med seg ferdig trykte design, buttons og boksar med eiget design, fortel Risdal og Hafver om viktigheita av Talentsenteret i realfag i samfunnet.
«Elevar med stort læringspotensial kan hamne i faresonen for dropout om dei går og kjeder seg med for enkle oppgåver over lang tid. På talentsenteret skal alle få anledning til å få bryna seg skikkeleg, og gjerne feile» fortel Hafver, før han tek ein pause og konkluderar med at «noko av det viktigaste me gjer, er å trena desse elevane i å takle motgang, og korleis å løyse eit problem som ser uoverkommeleg ut».
«For ein del elevar er desse samlingane med å auka motivasjonen for å fortsette arbeidet med realfag og oppretthalde interessa for læring. Det å få læra nye ting saman med andre, er bra for motivasjon og utvikling», avslutter Risdal.
Les meir om Talentsenteret i realfag og Jærmuseet sitt tilbod.
Ønsker du å bli betre kjent med skaparverkstadaktivitetar? Vitenfabrikken har eit omfattande gratistilbod gjennom året for alle frå ti år og oppover.