Haustferien i Jærmuseet

Skal du feriere på Jæren i haustferien eller bur du her og får besøk som du gjerne vil ta med ut på noko gildt, har Jærmuseet fleire tilbod å velga mellom. Vitenfabrikken, Vitengarden og Garborgsenteret har ope med eit rikt aktivitetsprogram:

Vitenfabrikken

På Vitenfabrikken er det mange aktiviteter i haustferien. Har du vore i LEGO-rommet? Her finn du over 100.000 LEGO- og DUPLO klossar i mange ulike fargar og fasongar. På Abelloftet er det mange magiske matematikkeksperiment, og så må du få med deg utstillinga «Vi hos Øglænd» som viser den rike industrihistoria til bedrifta Jonas Øglænd.  I Planetariet vårt får du reise ut til stjerner og planeter, og i showet «Fargar og flammar» får du sjå både eksplosjonar og magi.

På idèverkstedet kan alle over 10 år vera med på ulike redesign-verkstadar (måndag til fredag).

Det er ope kvar dag på Vitenfabrikken.

Takka vere vår samarbeidspartnar, Equinor Morgendagens helter, er det gratis inngang for alle barn under 18 år.

Les meir om programmet i haustferien.

Vitengarden

På Vitengarden er det i år Steingalen haustferie. På Vitengarden blir det heile veka ulike aktivitetar knytta til stein. Både inne og ute, så her kan ein kosa seg i allslags vèr. På garden er dyra klare for eit besøk, grisungane er berre eit par veker gamle. På løa er det masse høy å hoppa i. Vitengarden har ope alle dagar utanom laurdag. 

Takka vere vår samarbeidspartnar, Equinor Morgendagens helter, er det gratis inngang for alle barn under 18 år.

Les meir om programmet i haustferien.

Garborgsenteret

I haustferien er det gratis inngang for barn, og det vert gilde aktivitetar kvar dag. Haustferien er òg siste sjans til å sjå utstillinga «Verdas rikaste land».

Les meir om haustferien på Garborgsenteret.

Flyhistorisk museum Sola, Torpedoverkstedet og Tungenes fyr

Desse musea har ope sundagar kl. 12 – 16