Sundag 6. september arranger me ein gild aktivitetsdag ved Kvassheim fyr – der bølgjene, vinden og historia møtest.
Her får både små og store sjansen til å bli betre kjent med fuglelivet, sjøredningshistoria, oppleva kystkulturen på nært hald og delta på aktivitetar.
Høgdepunkt for dagen
- Prøv deg på natursti, spleising, tauringar.
- Kåre Kråke frå Naturoppdraget har oppgåver, våtmarksspill og premiar til alle barn i forbindelse med Barnas våtmarksdag.
- Møt ornitolog Øyvind Gjerde og lær om trekkfuglane som stoppar på Jæren.
- Bygg din eigen båt – og test den på vatnet etterpå (kr 100,-)
- Lag din eigen rakett og send han susande opp i lufta.
- Høyr historia frå 1842 om forliset av Ingermanland. Klokka 12 og 13. (Varighet 15 min)
Kaféen på fyret er open heile dagen kl 11- 16, perfekt for ein pause med utsikt over havet.
Praktisk informasjon
Det er få parkeringsplassar ved fyret. Det vil gå gratis skyttelbuss frå Vigrestad stasjon kvart på og kvart over med første avgang 10.45 og siste kl 13.30. Avgang frå fyret heil og halv med siste avgang kl 15.00.
Medarrangørar:
Jærmuseet, Besøkssenteret Våtmark Jæren, Hå historielag og Jæren kystlag.