Tilpassa læreplanen 4.- 7. trinn
Anbefalt tid: 45 – 60 min
Dette er eit av våre mest opne og utforskande opplegg. Elevane får utdelt litt utstyr og får eit oppdrag. Derifrå må dei sjølv finne ut kva som skal til for at ein bil skal kjøre beint, og korfor i all verden dei treng eit sugerør for å bygge ein bil. Elevane arbeider saman i grupper på 2-3 elevar. Oppdraget: å bygge ein bil som kan renne rett langs eit skråplan og trilla lengs mogleg bort golvet. I løpet av opplegget har elevane diskutert, designa, redesigna og forbetra bilen sin, og dei har vore innom alle tre av Newtons lovar. Me diskuterer med elevane og gjer hint undervegs til korleis dei kan bruka fysikk til å laga ein best mogleg bil, men arbeidet og resultatet kjem frå elevane sjølve.
Me treng eit vanleg klasserom, eller tilsvarande, for å gjennomføra opplegget. Ut over det har me med oss alt som trengs. Om det er ein lang gang eller liknande i nærleiken nyttar me oss gjerne av denne til utprøving og billøp i slutten av timen.
Frå fagfornyinga:
Naturfag:
Etter 10.trinn:
-
stille spørsmål og lage hypotesar om naturfaglege fenomen, identifisere avhengige og uavhengige variablar og samle data for å finne svar
-
analysere og bruke innsamla data til å lage forklaringar, drøfte forklaringane i lys av relevant teori og vurdere kvaliteten på eigne og andre sine utforskingar
Etter 7.trinn:
-
stille spørsmål og lage hypotesar om naturfaglege fenomen, identifisere variablar og samle data for å finne svar
-
skilje mellom observasjonar og slutningar, organisere data, bruke årsak–verknad-argument, trekkje slutningar, vurdere feilkjelder og presentere funn
Etter 4.trinn:
-
undre seg, stille spørsmål og lage hypotesar og utforske desse for å finne svar
-
utforske teknologiske system som er sette saman av ulike delar, og beskrive korleis delane fungerer og verkar saman
-
designe og lage eit produkt basert på ein kravspesifikasjon