{"id":46,"date":"2011-01-27T08:38:04","date_gmt":"2011-01-27T07:38:04","guid":{"rendered":"https:\/\/www.jaermuseet.no\/vitengarden\/museumsbygget\/"},"modified":"2021-06-14T14:27:13","modified_gmt":"2021-06-14T12:27:13","slug":"museumsbygget","status":"publish","type":"page","link":"https:\/\/www.jaermuseet.no\/vitengarden\/museumsbygget\/","title":{"rendered":"Museumsbygget"},"content":{"rendered":"

Museumsbygget p\u00e5 Kvia sameinar j\u00e6rsk identitet og byggetradisjon med eit moderne formuttrykk. Utfordringa var \u00e5 skapa eit praktisk museumsbygg som skulle tilpassa seg eit s\u00e5rbart og s\u00e6rprega kulturlandskap. <\/strong><\/p>\n

Sj\u00f8lv om dette er ein stor bygning, stikk\u00a0han seg ikkje fram, men f\u00f8lgjer linjene i landskapet og opplevest som ein del av j\u00e6rlandskapet omkring.<\/p>\n

F\u00f8rste byggetrinn <\/strong>stod ferdig i 1995 og best\u00e5r av ein hovudbygning med administrasjon, bibliotek, kaf\u00e9, magasin og noko utstillingsareal, samt auditorium og verkstad. P\u00e5 niv\u00e5 med underetasjen er tilkomst til magasin, verkstad og eit vognhus fr\u00e5 ein gardsplass p\u00e5 nordsida.<\/p>\n

Andre byggetrinn<\/strong> stod ferdig i 2002 og inneheld ein stor utstillingshall i f\u00f8rste etasje og magasin og studiemagasin i underetasjen. Utstillingshallen knyter direkte til hovudbygget i begge etasjar. Areala er store og samanhengande. Anlegget utgjer vel 4000m\u00b2, av dette omlag 1200m\u00b2 utstillingsareal, og om lag 500 m\u00b2 ope studiemagasin.<\/p>\n

Det er brukt mykje stein i fasadane. <\/strong>Veggene samspelar med steingardar og st\u00f8ttemurer, og bygningen er trekt ned i terrenget og inn i landskapet. J\u00e6rmuseet bygger vidare p\u00e5 den lokale byggeskikken med innvendig og utvendig materialbruk. Tradisjonane er vidareutvikla i konstruksjonar og detaljar med dei muligheitene ny teknologi gir.<\/p>\n

Bygget er bygd i betong, naturstein, tre, st\u00e5l og glas.<\/strong> S\u00f8ylene er dreidde, i laminert tre, og st\u00e5r i eit modulnett p\u00e5 7,2 x 7,2 m. Samanf\u00f8yingar og festedetaljar er i ubehandla st\u00e5l. Beresystemet for \u00f8vrig er i tre (skurlast), og all trelast er skore med bandsag.<\/p>\n

Kledning utvendig er i osp med varierande breidder i panelet.<\/strong> Taket er utvendig kledd med kreosotimpregnert furu. Store deler av ytterveggene er forblenda med naturstein. Magasinet i underetasjen har vegger i betong og betongsteinsblokker.<\/p>\n

Arkitektar: siv.ark. Einar Myklebust, Thomas Helliesen, Lars Hallgren.<\/p>\n

\u00a0<\/p>\n

\u00a0<\/p>\n\n\n