Tråd på pinnen

5. november 09:45 - 15:00
Vitengarden, Kviavegen 99,
Frå kr. 495,-

Vitengarden inviterer til ein dag fylt med inspirasjon, kurs, strikking, god drøs og matservering laurdag 05. november 2022.

Program for dagen:

Kl. 09:45 Dørene opnar

Kl. 10:00 – 10:15 Kort presentasjon av butikkane som er med

Kl. 10:15 – 12:15 Kurs eller strikking, drøs og handel

Kl. 12:15 – 13:15 Lunsj – god heimelaga suppe

Kl. 13:15 – 14:00 Foredrag  med The Knitting Stories

Kl. 14:00 Kaffi med noko søtt attåt, drøs og handel

Kl. 15:00 Vel heim

 

Me gler oss til foredrag med The Knitting Stories, som består av strikkedesignar Mona Olsson og illustratør og grafisk designar Vibeke Høie. Dei lagar strikkeoppskrifter til små og store, både med og utan broderier. Resultatet er unike strikkeplagg med figurar som barna blir glad i, og som får fram smilet hjå dei fleste. Me får høyre meir om prosessen og korleis dei arbeidar.

Før lunsj kan du melda deg på kurs eller du kan kosa deg med strikk og drøs i kafeen og sjekke utvalet i butikkane. Me tilbyr fire forskjellige kurs, alle går samstundes, så du når bare vera med på eit av dei.

 

Pris

Foredrag + lunsj kr. 495,-. Vil du vera med på eit kurs, vil det koma eit tillegg på kr. 100.

 

Kursa me tilbyr er:  

Kurs 1: Intarsia- strikk (FULLBOOKA)

Intarsia strikk, er å strikke med mange fargar på same omgang. Ein strikker fram og tilbake og det blir som å strikke eit bilete. Ingen grenser, bare fantasien kan stoppa deg.
Enkelte får bilete i hovudet om «totalt kaos og gigantiske vaser» når ein tenker på strikk med meir enn tre fargar. Fortvil ikkje.
Kurset vil læra deg ein teknikk der dei enkelte «nøster» vert haldt på sin plass etter kvart som ein strikker. Du vil og lære korleis du kan strikke med alle fargane utan å få hol mellom kvart fargeskift.
Så er det festing av alle trådane då? Du vil og lære korleis du kan feste desse undervegs mens du strikker.
Ei konkret oppgåve vil bli gitt som det strikkes på, medan me øver inn teknikken. Ingenting må førebuast i forkant.
Ta med; restegarn i yndlingsfargene dine. Garnkvalitet kan godt være ulik, men må kunne strikkes på pinne størrelse 3.5 mm, 10 gram er nok av kvar farge, Rundpinne 3,5, Lengde 60 – 80 og saks

Må kunne i forkant: Legge opp og strikke rettmasker.

 

Kurs 2: Kurs i tosidige fletter 

Tosidige fletter gir fletter som er like fine på begge sider og eignar seg spesielt godt til skjerf, sjal eller langs opninga på ei jakke.

På kurset lærer du ulike typer fletter og kva du bør tenke over viss du ønsker å designe eigne fletter.

Ta med garn og pinner som passer til garnet, husk flettepinne eller en ekstra strømpepinne. Lyst garn anbefalast sidan det er lettare å sjå flettene då.

 

Kurs 3: Brodering på strikk

På dette kurset vil me vise korleis me i The Knitting Stories broderer figurar på strikk.  Me ser at mange har lyst å brodere på strikk, men ikkje helt tørr å sette i gang. Me ønskjer å visa kor spennande og enkel denne prosessen er. Me tek med ei rekke motiv som kursdeltakarane kan velje mellom. Kursdeltakarane får sjansen til å teste broderi på strikk, og me guider og hjelper til undervegs.

Før kurset: Strikk ein prøvelapp i ullgarn på 20x20cm i glattstrikk.  Anbefalt strikkefasthet: 22 masker på pinne nr 4.  Du treng ingen broderings- eller tegneferdigheter.

 

Kurs 4: Magic loop (FULLBOOKA)

I dette kurset lærer du korleis du strikker med Magic loop. Mange bruker settpinner (5 pinner) når dei strikker rundt på mindre arbeid som sokker, votter, ermer. Her lærer du korleis du kan gjere det same arbeidet med en lang rundpinne i staden. Magic loop kan også erstatte små rundpinner, så viss du syns det er trongt og putlete å bruke rundpinner på 30 og 40 cm vil du like Magic loop.

Me skal lara korleis me legg opp til, og korleis me strikker med Magic loop. Kanskje får me tid til å sjå på korleis me kan strikke to ermer/sokker/votter på en gang?

Forkunnskap: Legge opp, strikke rett. Forarbeid: Ingen

Ta med lang rundpinne med mjuk vaier, minst 80cm men helst 100- 120 cm og garn som passer til.

Desse butikkane er med:

Charmis er nettbutikk og butikk, på Torgplassen 8 på Nærbø, som er eid og drevet av Eva. Charmis har garn som er laga av naturlege, dyre- og klimavennlege materialar. Charmis har fleire eigne garnmerker, og utvalde typar fra bl.a. Solberg Spinderi, Unikt Garn og andre lokale produsentar. Og sist, men ikkje minst strikkepinnar og annet utstyr frå ChiaoGoo.

Norspinn produserer garn frå norske alpakkaer. Alt av fiber-prep, vasking, spinning og farging skjer på spinneriet på Tonstad. Dei stiller med et stort utval av ufarga og håndfarga alpakkagarn i tillegg til garn av pels-sau frå en lokal gard i Agder.

Du vil også finne nokre ferdigstrikka plagg til inspirasjon.

The Knitting Stories har ein stand der dei sel sine mønster.

Vitengarden  sin eigen butikk  har godt utval av kjekke gåver til store og små, og du får 10% rabatt på alt i butikken denne dagen.

 

Påmelding

For de som har vore med tidlegare, vil de sjå at det er nytt påmeldingssystem. Her kan de melda på så mange de vil, og betale med ei gong.

Alle vil automatisk få inngangsbillett, foredrag og mat + kaffi.

Vil de vera med på eit kurs i tillegg, vel de dette på sida etter at det har valt hovudbilletten og skrevet inn namn og epost adresse. Hugs at de kun kan vera med på eit kurs, då dei går samstundes.

Me vil i veka før arrangementet sende ut ein epost med praktisk informasjon. Her vil me òg be om eventuelle allergier eller andre hensyn me skal ta.

PÅMELDING PÅ DENNE LENKA