![\"img_20161118_165834insta\"](\"https:\/\/www.jaermuseet.no\/wp-content\/uploads\/sites\/2\/2016\/11\/IMG_20161118_165834insta.jpg\")
<\/a>\u00abDer er du, Sorry,” sa Fossmark. “Me m\u00e5 planlegga litt. Heldigvis kan me stola p\u00e5 at Nils Henrik, ung og sprek og med ein j\u00e6kleg kl\u00e5r hjerne \u2013 han er kje prisl\u00f8nt for ingenting \u2013 ordnar biffen hos dei riksm\u00e5lsj\u00e6klane. Derimot kan me berre stola p\u00e5 oss sj\u00f8lve i den andre <\/em>intriga i denne intrikate saka; nemleg: koss kan me halda p\u00e5 makta her p\u00e5 Garborgsenteret? Kor lenge vil Inger vera sjuk? Korleis kan me forlenga sjukemeldinga hennar? Er det mogleg \u00e5 endra reglementet slik at eg f\u00e5r bli avdelingsdirekt\u00f8r p\u00e5 permanent basis sj\u00f8lv om ho blir frisk att? Dette er vanskelege sp\u00f8rsm\u00e5l, ser du, det er difor me m\u00e5 stilla dei, finna svar p\u00e5 dei, og planlegga deretter. Kva seier du, Sorry?\u00bb<\/p>\nSorry Jansen b\u00f8ygde seg lett framover, den begynnande pukkelen blei med eitt synleg.<\/p>\n
\u00abEg trur eg har ei l\u00f8ysing, herr John.\u00bb<\/p>\n
Fossmark sleika seg rundt munnen:<\/p>\n
\u00abF\u00e5 h\u00f8yra, Sorry, kva er det du har funne ut?\u00bb<\/p>\n
\u00abJau, herr John, du sa jo sj\u00f8lv at me skulle sj\u00e5 p\u00e5 Garborgsenteret som ein f\u00f8ydalstat, berre underlagt J\u00e6rmuseet, som me d\u00e5 m\u00e5 sj\u00e5 p\u00e5 som eit imperium. Under museumsdirekt\u00f8r Sn\u00f8rteland ligg dei ulike avdelingane som protektorat p\u00e5 ei snor: Garborgsenteret, Vitenfabrikken, Vitengarden, Tungenes fyr, Haugabakka, Limagarden, Flymuseet, Krigsmuseet, Gr\u00f8daland, Vistnestunet. Det enklaste vil vera \u00e5 heva Garborgsenterets status, herr John. Heva din <\/em>status, herr John. Me m\u00e5 endra tittelen din, du m\u00e5 framst\u00e5 som ein leiar med allmakt.\u00bb<\/p>\n \u00abMed allmakt, seier du? Hm.\u00bb Fossmark drakk kaffi: \u00abSlurp.\u00bb Han tenkte meir: \u00abHm.\u00bb Han fylte oppi koppen med glovarm kaffi fr\u00e5 kanna: \u00abMmnammenam.” Han smatta. “Meiner du at det ikkje er nok at du kallar meg herre<\/em>?\u00bb<\/p>\n \u00abFor meg<\/em> er det nok, herr John, ikkje misforst\u00e5.\u00bb Jansen knelte og b\u00f8ygde hovudet mot golvet, pukkelen kneisa som eit lite fjell over han. \u00abMen for at makta ikkje skal gli ut av hendene dine, m\u00e5 det vera arverett knytt til tittelen. Kva med \u00e5 gjera Garborgsenteret til eit arveavdelingsdirektorium, herr John? Som arveavdelingsdirekt\u00f8r vil berre barna dine kunna ta makta etter deg. Inger vert over og ut.\u00bb<\/p>\n \u00abEg har<\/em> ingen ungar, Sorry.\u00bb<\/p>\n \u00abIkkje ver lei deg for det, herr John. Du treng berre ein reserve. Ein vikar.\u00bb Jansen reiste seg forsiktig og tok eit audmjukt steg bakover: \u00abDu veit eg alltid stiller opp for deg, herr John.\u00bb Han knelte igjen: \u00abSkal eg kanskje kalla deg avdelingskong <\/em>John?\u00bb<\/p>\n \u00abReis deg opp, Sorry, ikkje ver dum. B\u00f8rst st\u00f8v av skuldrene mine i staden. Dette, ser du, skal eg ta med meg p\u00e5 leiarm\u00f8te. Neste tysdag skal eg m\u00f8ta museumsdirekt\u00f8r Sn\u00f8rteland og dei andre lordane p\u00e5 hovudkontoret. Me m\u00e5 vera strategiske, Sorry, ikkje bli overmodige. D\u00e5 skal eg overtala henne til \u00e5 endra avdelingsdirekt\u00f8rtittelen min, s\u00e6rleg vikaravdelingsdirekt\u00f8rtittelen er eg lei av. Hadde eg vore ein romanfigur ville lesarane ha lukka boka for lenge sidan. Sj\u00e5 det f\u00f8re deg: vikaravdelingsdirekt\u00f8ren ditt, avdelingsdirekt\u00f8rvikaren datt.<\/em> Det ville kje ha fungert i ein komedie ein gong. I g\u00e5r kveld, til d\u00f8mes, dreiv nokre supermodellar og ringde til meg, det skjer jo ofte; men n\u00e5, ser du, kvar gong eg tar telefonen og presenterer meg, vikaravdelingsdirekt\u00f8r Fossmark<\/em>, ver s\u00e5 god<\/em>, legg dei p\u00e5 i staden for \u00e5 st\u00f8nna slik dei pleier.\u00bb<\/p>\n Han\u00a0demonstrerte korleis st\u00f8nninga h\u00f8yrdest ut.<\/p>\n \u00abDet var ein god imitasjon, herr John.\u00bb<\/p>\n \u00abEg veit det, Sorry; men takk likevel, for at du legg merke til det. Det hadde kje vore s\u00e5 moro \u00e5 vera g\u00e5verik om ingen s\u00e5g det. Men saka, ser du, er den at vikaravdelingsdirekt\u00f8rtittelen skadar sj\u00f8lvbildet mitt. Det skadar jamvel den forestillinga som andre, fortrinnsvis supermodellar, har av meg som den uimotst\u00e5elege Fossmark. Eg vil at dei skal behalda eit slikt mentalt bilde, ser du. Det skapar glede, ser du. Eg er s\u00e5 \u00e5 seia ein altruist.\u00bb<\/p>\n \u00abD\u00e5,\u00bb sa Jansen og bukka, \u00abm\u00e5 me gjera det som st\u00e5r i v\u00e5r makt for \u00e5 skaffa deg ein avdelingskongetittel. Men kva s\u00e5 med meg, herr John, burde ikkje eg \u00f2g f\u00e5 ein ny tittel?\u00bb<\/p>\n \u00abDu<\/em>, Sorry, skal f\u00e5 bli vikarformidlar p\u00e5 livstid. Kva seier du til det? Du f\u00e5r s\u00e5 mange osteskiver og servelatp\u00f8lser du berre vil ha som l\u00f8nsp\u00e5legg.\u00bb<\/p>\n \u00abDet er veldig snilt av deg, herr John, men eg tenkte meir p\u00e5\u2026\u00bb<\/p>\n \u00abArvevikarformidlar?\u00bb<\/p>\n \u00abHertug<\/em>. Eg ser det f\u00f8re meg: monsieur le<\/em> duc Pardon de Corridore d\u2019Office<\/em>.\u00bb<\/p>\n \u00abSorry! Ingen grunn til \u00e5 bruka kulturimperialistiske spr\u00e5k berre fordi me g\u00e5r f\u00f8ydalt. Snakk nynorsk!\u00bb<\/p>\n \u00abDet eg meinte var Hertug Orsak av Kontorkorridoren<\/em>, herr John.\u00bb<\/p>\n D\u00e5 heva Fossmark armen over Jansens hovud; men om det var for \u00e5 denga han eller adla han, eller simpelthen ei fascisthelsing, det var ikkje godt \u00e5 seia \u2013 for i same augneblinken banka det p\u00e5 d\u00f8ra. Doktor\u00a0Vold stakk hovudet inn:<\/p>\n \u00abJohn, me har eit problem.\u00bb<\/p>\n Doktoren leia an nedover kontorkorridoren, til kvilerommet som for tida fungerte som sjukestove. Der inne, i l\u00f8yndaste m\u00f8rkekr\u00e5, l\u00e5g Inger Undheim i koma. Avdelingsdirekt\u00f8ren hadde p\u00e5dratt seg store indre sjokkskader etter n\u00e6rkontakt med ei uautorisert bokm\u00e5lsometjing av Arne Garborgs Fred<\/em>. Ettersom skadane sat i kroppen og ikkje i hovudet, var dei ikkje \u00e5 rekna som psykiske. Ettersom dei var ein reaksjon p\u00e5 fortolking av sanseinntrykk, var dei heller ikkje fysiske. Slike tilfelle utgjorde ei gr\u00e5sone i legevitskapen og kunne ikkje kategoriserast. Ho sa:<\/p>\n \u00abS\u00e5 langt har eg tatt alle pr\u00f8var den klassiske legevitskapen kjenner til og som kan analyserast. Eg har ogs\u00e5 tatt pr\u00f8var ingen kjenner til, og som ikkje kan analyserast, men\u00a0analysert dei likevel. Konklusjonen er at moderne metodar ikkje kan gjera meir enn \u00e5 halda Inger i koma p\u00e5 ubestemt tid.\u00bb<\/p>\n \u00abKor lenge er d\u00e9t?\u00bb spurde Fossmark. Han gnei seg i hendene. \u00abEr det mogleg \u00e5 tidfesta <\/em>ubestemt tid?\u00bb<\/p>\n \u00abBestemt ikkje,\u00bb svarte doktor Vold, \u00abdet er ubestemt lenge. Eg har pr\u00f8vd \u00e5 vekka Inger med alle verkemiddel. Ogs\u00e5 middel som ikkje verkar har eg pr\u00f8vd. Mannen hennar har vore her og lese h\u00f8gt fr\u00e5 liturgisk ordbok. D\u00f8trene har sunge Sporven med realistisk kvitring som spesialeffekt. Eg har spelt kormusikk for henne, korpsmusikk og kattemusikk; eg fylte rommet med p\u00e5fuglar; eg la Arne Garborgs originale frakk fr\u00e5 Knudaheio opp\u00e5 dyna hennar. Men ingenting hjalp.\u00bb<\/p>\n \u00abVerkeleg?\u00bb spurde Fossmark. \u00abEr det ingenting som verkar? Hi hi hi.\u00bb<\/p>\n \u00abDet er berre \u00e9in ting som st\u00e5r upr\u00f8vd, men ikkje lenge.\u00bb<\/p>\n \u00abKva d\u00e5?\u00bb Fossmark myste. \u00abOg om kor ikkje lenge?\u00bb<\/p>\n \u00abDet einaste eg ikkje har pr\u00f8vd, og som eg trur kan verka, og som eg skal pr\u00f8va om ikkje lenge, er\u2026\u00bb Ho kviskra: \u00ab\u2026eksorsisme\u00bb og la til: \u00abEg har allereie vore i kontakt med ein bokm\u00e5lsutdrivar.\u00bb\u00a0<\/strong><\/p>\n Milde himmel! St\u00e5r det s\u00e5 d\u00e5rleg til at doktoren m\u00e5 ty til overnaturlege legemiddel? Dette vert skumlare og skumlare. Kanskje dukkar TV Norge opp? For sikkerheits skuld: f\u00f8lg med p\u00e5 neste episode av \u00c5ndenes makt!<\/em><\/p>\n![](\"https:\/\/www.jaermuseet.no\/wp-content\/uploads\/sites\/2\/2016\/11\/IMG_20161130_194930insta-956x1024.jpg\")
<\/a><\/p>\n
\n