{"id":13900,"date":"2025-04-01T08:22:00","date_gmt":"2025-04-01T06:22:00","guid":{"rendered":"https:\/\/www.jaermuseet.no\/garborgsenteret\/?p=13900"},"modified":"2025-06-02T16:04:11","modified_gmt":"2025-06-02T14:04:11","slug":"helvedesland-jaermuseet-lanserer-familiepark-i-garborgheimen","status":"publish","type":"post","link":"https:\/\/www.jaermuseet.no\/garborgsenteret\/helvedesland-jaermuseet-lanserer-familiepark-i-garborgheimen\/","title":{"rendered":"Tar opp kampen med Kongeparken: J\u00e6rmuseet lanserer \u00abHelvedesland\u00bb"},"content":{"rendered":"\n

Aprilsnarren 2025!<\/strong><\/p>\n\n\n\n

“Endeleg er det dags for \u00e5 lansera den nye forn\u00f8yelsesparken v\u00e5r, ein familiepark i Garborgheimen!\u00bb nesten ropar Garborgsenteret sin leiar, Inger Undheim, p\u00e5 telefon fr\u00e5 bokmessa i Leipzig. Der er ho for \u00e5 delta p\u00e5 lanseringa av Haugtussa p\u00e5 tysk. \u00abN\u00e5 kan J\u00e6rmuseet ta opp kampen med Kongeparken!\u00bb<\/p>\n\n\n\n

Ho fortel: \u00abMe har jo sett denne utviklinga i ganske mange \u00e5r n\u00e5. Dyreparken brukar Torbj\u00f8rn Egner. Astrid Lindgren har f\u00e5tt sin eigen park i Sverige. Det er p\u00e5 h\u00f8g tid at Arne Garborg blir lyfta fr\u00e5 museum til forn\u00f8yelsespark.\u00bb<\/p>\n\n\n\n

Det meste er allereie klart:<\/p>\n\n\n

\n
\"\"
Inger Undheim. Arkivfoto.<\/figcaption><\/figure>\n<\/div>\n\n\n

\u00abDet blir halmsenger. Ungane s\u00f8v to eller tre saman i kvar seng. Det blir nesten som overnattingsbes\u00f8k! Vidare f\u00f8lger me d\u00f8gnrytmen til familien Garborg. Ungane blir vekka litt f\u00f8r klokka fem kvar morgon av ein brysk arm. Faren skal ha dei med p\u00e5 andakt. Deretter er det gardsarbeid fram til lunsj. S\u00e5 arbeid igjen. Fisk eller graut med flatbr\u00f8d til middag. Om kvelden er det \u00e5 hjelpa mor inne i huset, deretter andakt. Til slutt leggetid med aftensb\u00f8nn. Ungane kjem til \u00e5 elska det! Dei f\u00e5r utdelt gamle, stive, heimelagde skinnklede og tresko som er skikkeleg harde. Alt skal vera som under Arne Garborg sin oppvekst. D\u00e5 var faren Eivind \u00abherre i eige hus\u00bb. Ingen hadde lov til \u00e5 seia imot han. Slik skal det vera i familieparken v\u00e5r \u00f2g. Me skal f\u00f8lga husreglane han innf\u00f8rte.” <\/p>\n\n\n\n

Barna skal f\u00e5 gjenoppleva den p\u00e5 mest realistiske vis, seier ho.<\/p>\n\n\n\n

“Dei skal leika at dei er Arne og syskena hans\u00bb, seier ho, og legg til: \u00abN\u00e5 var det jo strengt tatt lite leik i barndommen til Arne.” Ho fortel at Arne hadde ei kongle \u00e5 leika med, men at dagens gjester skal f\u00e5 utdelt to<\/em>.<\/p>\n\n\n\n

“Dei f\u00e5r ta konglene med seg heim om dei vil. Som suvenirar!”<\/p>\n\n\n\n

Parken kan berre ta imot ni ungar om gongen, men Undheim reknar med at det blir lange k\u00f8ar:<\/p>\n\n\n\n

“Det er for \u00e5 halda det realistisk. Dei var ni i syskenflokken. Ikkje alle f\u00e5r vera Arne, men oppveksten var lik for alle.\u00bb<\/p>\n\n\n\n

Og realistisk, det har dei verkeleg lagt seg i selen for \u00e5 f\u00e5 til.<\/p>\n\n\n\n

\"\"
Illustrasjonsfoto henta fr\u00e5 Garborgl\u00f8ypa. Foto: Filmavdelingen<\/figcaption><\/figure>\n\n\n\n

Det betyr mellom anna at det ikkje er lov \u00e5 le, for det st\u00e5r ikkje i Bibelen at Jesus lo. Maten m\u00e5 vera smaklaus, for du skulle ikkje kosa deg med han. D\u00e5 gl\u00f8ymte du jo \u00e5 tenka p\u00e5 Gud. Til gjengjeld blir det mykje fisk:<\/p>\n\n\n\n

“Ja, det er mest realistisk. Og alle m\u00e5 eta opp fiskebeina. Elles hadde Gud skapt fisken uten bein. Det meinte iallfall Eivind Garborg.”<\/p>\n\n\n\n

Finst det ingen problem med \u00e5 gje ungane ein oppvekst som var vanleg for hundreogfemti \u00e5r sidan?<\/p>\n\n\n\n

“Den var aldri vanleg<\/em>“, seier Undheim. “Arne Garborg og syskena hadde det ikkje som andre. Men sj\u00f8lvsagt blir det problem. Noko anna ville ikkje ha vore realistisk.<\/p>\n\n\n\n

Det blir sj\u00f8lvsagt utedo: “Tenk s\u00e5 spennande for sm\u00e5 romper!” ropar Undheim. “Dette blir ute p\u00e5 ordentleg, ein pinne \u00e5 sitta p\u00e5 under epletreet. Akkurat som p\u00e5 Arne Garborg si tid.”<\/p>\n\n\n\n

Ungane f\u00e5r ikkje lesa noko anna enn Bibelen.<\/p>\n\n\n\n

“Men”, seier Undheim, “me legg fleire b\u00f8ker i den bl\u00e5e kista. S\u00e5 blir det opp til ungane \u00e5 tjuvlesa utan at faren oppdagar dei. Det blir spennande og realistisk.<\/p>\n\n\n\n

\n