Ann-Kristin Sørvaag spelar og syng Haugtussa-songar.
Anna er ei sprudlande og underfundig jente. Ho elskar Arne Garborg sine tekstar, særskilt Haugtussa. Ho går ofte tur i Knudaheio og drøymer om å treffa Garborg. Ho identifiserer seg med Veslemøy og drar parallellar til sitt eige liv. Anna er flink til å synga og vil gjerne utvikla seg vidare, men får ikkje lov av foreldra. Ho drøymer om at Garborg skal ”oppdaga” henne og ta henne med til Kristiania – slik at ho kan få jobba ved Det Norske Teateret og vera kunstnar på heiltid.
Anna frå Knudaheio blir spelt av Ann-Kristin Sørvåg. Ho syng og deklamerar utdrag frå Arne Garborg sin Haugtussa. Det er også ho som har skrive manuset.
Ann-Kristin Sørvåg er ei klassisk skulert songar og har hatt ei rekke oppdrag innan opera, romanse- og kyrkjemusikk i Tyskland, Noreg og Sverige. Ho er for tida aktuell med Kurt Weil på jærsk og Soga om Skjærpeplogen.
Kjøp billett her. Billetten inkluderer besøk i utstillinga.
Arrangementet er støtta av Rogaland fylkeskommune.