Kvia 4H - og museumsgard

Museumsgarden (bnr. 6) blei er skilt ut frå nabobruket i 1878.
Heimehuset og driftsbygningen er frå dette året; det frittståande fjoset blei bygd i 1887. Tunet blei etablert samtidig med bygginga av jæbanen. Derfor vender stovene mot aust, og ikkje mot vest slik byggetradisjonen vanlegvis var. Folka på garden måtte jo følgja med det nye og dampande tekniske vedunderet som pesa seg forbi den austre heimebøen!

Tobias Skretting, "Kviagarden", Sjå Jæren 1995

Heimehuset er innreia slik det var hos folk flest. Mange vil kjenna igjen møblar frå lokale fabrikkar, pyntegjenstandar, bilder - eller kanskje lukta? Om sundagane vil museusmvertane våre, pensjonistane, fortelja om livet og arbeidet på Jæren i denne tida. Kanskje lurer du på kor badet, toalettet eller garderobeskapet er? Eller kvifor den eine stova er så mykje finare enn den andre?

På garden finn du dei husdyrerasane som var vanlege på Jæren i 1950-60-åra. Store og små kan få nærkontakt med kyr av vestlandsk raukolle, hestar, gris, høns og sauer. På sommarstid vil dyra vera på beite rundt husa, om vinteren er dei fleste inne i fjoset. Me har også bier - dei er det ikkje meininga at publikum skal ha nærkontakt med. Men biene kan også observerast inne i utstillinga i museumsbygget.
Jærmuseet er med på det nordiske samarbeidet for å ta vare på gamle husdyrrasar. Me har ei bevaringsbesetning av sør- og vestlandsfe.