For skular og barnehagar på Varden

	Langs farleg stronn Barnehage og grunnskule Jærkysten er open og vindhard. Korleis har det vore å ferdast på sjøen langs kysten her? Korleis har det vore for dei som budde nærast sjøen når ver og vind herja og båtane gjekk på grunn? Her får de høyra historia om stormar, båtar, forlis og redningsarbeid.  Last ned meir informasjon i PDF-format

Opplegg med undervisning
Sjøredningsmuseet i Varden tilbyr opplegg med undervisning . Desse er gratis for grunnskulen og barnehagane i Hå. For vidaregåande skule kostar det 20 kr per elev + 200 kr per time. Dei tilsette i museet saman med frivillige ressurspersonar tek seg av opplegga, men treng òg lærarane med som hjelparar.

Ansvar
Læraren(ane) har hovudansvaret for elevane under besøket. Me ber om at de held auge med elevane både inne og ute på anlegget.

Mat
Elevane kan nyta medbrakt niste ute.

Ordensreglar
Skulen sine reglar gjeld òg i Varden. Det er viktig å hugsa på at dette er eit museum med gamle ting. Om me skal kunne bruka anlegget til formidling og ta imot grupper og skuleklassar her, så må me vera forsiktige. Ingen må "herja" inne eller røra andre gjenstandar i utstillingane enn dei som er med i opplegga.